Khua a that loh avangin Mapuia Cricket League 2017 ni hnihna chu March ni 6, 2017 (Thawhtanni) khan khelh a ni lova, March ni 7, 2017-ah sawn a ni ta a ni. Thawhlehniah hian Zarkawt Lords leh Chhinga Veng CC an inhmachhawn anga, chawhnu lamah Armed Veng CC leh Chanmarians CC an inhmachhawn dawn a ni.

ZARKAWT LORDS VS CHHINGA VENG CC

09:30 AM - Live on LPS 1

Chhinga Veng CC (3C) te an inkhelh hmasaah Chanmarians lakah Run 1 in an vanduai a, sum seng hnem leh Champion tum Zarkawt Lords te inkhel tur hi a nghahhlelh awm khawp mai.

Squad an thehluh leh Player Auction-a an chet nat dan en chuan Zarkawt Lords Line up hi tun league-a Line up khawng pawl leh huphurawm pawl tak an ni dawn in a lang a.

Hetih lai hian Line up-ah chauh en tur a ni dawn lo, inkhel tur an ni. Chuvang chuan 3C lam pawhin Mahuma Memorial Cricket Tournament lama an lo hneh hnu an hneh lo ve leh tho a, a zawna Match hnih tlawm chu an duh dawn lo, Chutih rualin Zarkawt Lords te hian Champion an tum tak zet a nih chuan Chhinga Veng CC te hi an hneh nghal a tul ang.

ARMED VENG CC vs CHANMARIANS CC

12:30PM - Live on LPS 1

MCL Champion lai Chanmarians ten an inkhelh hmasaah Chhinga Veng CC te Run 1 in an hneh hram a, Champion nawn leh an tumna kawngah Kulikawn CC hnehlo hlim Armed Veng CC te an hmachhawn dawn.

Armed Veng CC hian Qualifier emaw Eliminator khelh phak an tum dawn chuan a zawna vawi hnih tlawm a thiang lovang.

Chanmarians te hi Batting line up nei thui bera chhal ni mek mahse 3C lakah run 100 an siam tling thei lova, hei hi an inennnawn ve deuh pawh a tul dawn niin a lang. Armed Veng CC hi 2nd Division team ni mahse Auction-ah Player an in la tha hle a. 1st Div club te an el pha hle a ni tih an match hmasa atangin a hmuh theih bawk.

Rilru put hmang nghet tak nen huaisen taka Chanmarians te an hmachhawn chuan Armed Veng CC te hi team dang zawng zawng hneh thei khawp a squad tha an ni ve tho a ni.