​MBL Season 3 ah Player 32 Auction Dawn

27th October 2017, 04:10AM

Hrangbana Memorial Mizoram Badminton League Season 3 na lo awm tura player tur te chu, Oct ni 27 zan dar 8-ah Auction an ni dawn. Tun tum MBL ah hian team 8 an awm ang a, Team tin hian Player 4 theuh – Mens Player 2, Women 1 leh Under 19 players 2 te hemi zan hian an lei thei dawn a ni.

Player lei nan hian Rs 50,000 theuh an hmang thei bawk ang, a tawp a an in tluk tlan chuan thum vawr in player kalna tur team hi tih fel ani ang. Hemi zan vek hian an awmna pool tur leh an khelh hun tur tih fel nghal ani ang.

Kumin hian Player 60 in register an awm a, Auction na a lei bang zawng te pawh hi auction pawn lamah an in chuh zo nghal vek rin ani. Nikum auction na a player man to ber Lalmuanawma hi kumin ah pawh an in chuh pawl tak an ni leh ngei dawn niin a lang. Nikum MBL best player Lalduhawma pawh team te hian an chhan huai ngam viau a rinawm bawk. Hmeichhe lamah Hriati leh Zuali bawk hi team te in chuh tur an nih hmel a, Under 19 ah hi chuan tunge an in chuh deuh bik ang hriatthiam a har hle thung.

MBA player bakah hian team tin te hian State pawn player pakhat theuh an la thei a, team lam pawh hian India player tha ho an dawr nasa tawh viau a, team tam zawk hi chuan an lak tur hi an ti chiang tawh a, amaherawhchu team list thehluh hun Nov 2 hma hi chuan an puanchhuah a rem hrih lovang.

Copyright © inkhel.com 2024. All rights reserved.