Mizoram Badminton League ningana chu November ni 17, Zirtawp zan khan Electric YMA Hall-ah khelh chhunzawm ni. Tie hmasaah Ralte Villa BC Champhai leh Mission Veng in tumin, Mission veng lam hian an dinhmun sawh nghetin Champhai lakah Point 4 an thawkchhuak. He tie ah hian Champhai lam chhuanvawr Daniel S Farid chuan Point hmahruai rawn thawk chhuak mahse, a team-mate ten a point hmuh rawn chhunzawm theih loin, MD, XD, MS2 leh Junior Boys Singles ah te Mission Veng hian chakna an rawn chang ta vek a ni. He Tie-a Mission Veng tana Junior Boys Singles kheltu K. Lalmalsawma chu Player of the Tie ah thlan a ni bawk.

(adsbygoogle = window.adsbygoogle || []).push({});

Tie hnung zawkah Brig. & Mrs. T. Sailo leh Hlimen Shuttlers te intum in an ni hi an pool-ah bottom ve ve an ni a, match hmasa berah State pawn players ve ve intumin Kanan lamin chakna chang mahse, MD-ah leh XD-ah Hlimen lam an rawn che tha ve leh, MS2 khelh leh niin Kanan lamin chakna an chang ta zawk a ni.

Junior Boys Singles-ah Dindina leh Jojo-a ten an khel a, game hmasa lamah Dindina che tha viau mahse, experience nei tha zawk Jojo-a rawn insiam tha in, final game-ah chakna a rawn chang a, Hlimen tan point a rawn thawk chhuak leh bawk a ni. Hlimen tana Junior Boys Singles khel Joseph VL Ringngheta a khel tah a, a game a hmuhnawm bawk a, Player of the Tie ah thlan a ni bawk.

Ti hian Pool A lam dinhmun chu chiang tluka ngaih theih a ni a, Hlimen lamin point 7 hmu tawh mahse, Zotlang leh Tuikual inkhel turah hian Solid point hmu zawk an awm loh chuan Hlimen tan chance a awm tawh lo thung. Pool B-ah Mission veng leh Siaha ten Point 7 ve ve an hmu tawh a, an ni hi lut tura ngaih theih a ni tawh bawk a, mahse, game a nih angin sawi lawk theih a ni lo thung. MBL hi ni 24, 2017 ah final khelh tura ruahman a ni.

(adsbygoogle = window.adsbygoogle || []).push({});