MBA leh TATA TRUST an thawk dun dawn

27th May 2017, 06:05PM

Mizoram-a Badminton tihhmasawnna tur leh naupangte tana hmalakna turin Mizoram Badminton Association leh TATA TRUSTS te chuan thawhhona thutlung an ziak a, an thawhhona hmasa atan Talent Search Tournament neih nise an ti.

May  ni 26, Zirtawp khan Dy. Commissioner office chamber-ah TATA TRUSTS aiawh hian Anand Datla, Sport Director, TATA leh MBA aiawhte hian thawhhona thuthlung an ziak a, hmalakna hmasaber atan June ni 14th-16th chhungin Talent Search Tournament buatsaih tur a ni.

He tournament-ah  hian Junior Category-ah Under 11, Under 13 leh Under 15 Category-ah te Boys & Girls tan bik siam tur a ni.  Final en tur leh naupang thazual rawn en turin India Shuttler hrang hlui leh tuna India Chief National Coach nibawk Pullela Gopichand leh coach-te an lo kal dawn bawk a ni.

He hunah hian naupang tha thlanchhuah an awma nih chuan Gopichand Badminton Academy, Hyderabad-ah an awm ang.

Hei bakah hian Mizorama Badminton hmasawnna turin Grassroot Development leh Mizorama World Class High Altitude Training Centre neih chungchang te pawh sawi ho niin heng atana thawhho dan tur te pawh an sawi ho nghal bawk.

(adsbygoogle = window.adsbygoogle || []).push({});

Copyright © inkhel.com 2024. All rights reserved.