12 Sep 2017 04:16

Zaua NicoGaitan

Mane hremna Liverpool-in khing let dawn

Liverpool chuan Manchester City laka an tlawm tuma hnawhchhuak tawh Sadio Mane an hremna tur chu appeal an tum.

Kum 25 a upa Mane hi Inrinni a Man City nen an inkhelh tum khan City goalkeeper Ederson chu a hma ah tlawh in hnawhchhuah a ni a, 5-0 laia an tlawm mai bakah Mane hi match 3 khel theilo tura hrem a ni bawk.

Mane red card hmuh chungchangah hian football expert te hrang hrang ngaihdan a inanglo hle a, thenkhat chuan goalkeeper nen ball lak tum a inchuh an nih avangin red card pek a awm lo ni a an sawi laiin thenkhat ve thung chuan red card referee in a pe ta kha thutlukna diktak a nih thu an sawi ve bawk.

Liverpool lam hian an Mane an hremna tur hi khin an tum a, an khing hneh a nih chuan match 2 emaw match 1 emaw lek Mane hi hrem a nih a rinawm. Hetihlai hian an hlawhtlinglo a nih erawh chuan match 3 hrem a ni anga, Premier League-ah Burnley leh Leicester te a hmachhawn ve theih dawnloh bakah EFL Cup lamah game khat a khel ve theilo dawn bawk a ni.

(adsbygoogle = window.adsbygoogle || []).push({});