Argentine Striker Mauro Icardi chuan Manchester United zawm tumna a neih loh thu a sawi. United hian Icardi hi season thara lakluh tum mahse Icardi berin pan a tum loh thu a sawi takah chuan United hian Striker dang an melh mai a ngaih hmel
Manchester United hian Rooney bak Striker rintlak an nei lo tih theih a ni. Rooney hian kum 30 ral a kai tawh bawk si a Striker thar an mamawh hle. Kum 22 a upa Icardi hi Seria A striker tha ber pawl a ni a, naupang te nichungin Inter captain a ni thei a ni. Tun season Seria A khelh mekah goal sawm thun tawhin Man of the Match-ah tum hnih thlan a ni tawh bawk.
Icardi hian Manchester United nen an sawizawmna chungchang sawiin," Milan-ah hian ka hlim a, hun rei zawk cham ka duh a ni." tiin Corriere dello Sport chanchinbu a hrilh. Icardi hian sawi zawmin," Inter-in contract min zawrh khan sawmtu tam tak nei mah ila he hmuna awm tur hian thutlukna ka siamfel tawh a ni." tiin Inter-a a hlim thu a sawi.
Barcelona academy chhuak hian sawi zawmin," Manchester United hian min sawm pawh nise ka zawm lo ang. Inter hian ropui taka invawrh leh kan tum a, player pawimawh nih ngei ka duh a ni. Mi tam tak chuan €40million man niin min sawi a, nimahsela ka phu ngei tih ka nemngeh a ngai a ni." tiin Inter tana player pawimawh nih chhunzawm a tum thu a sawi.