​Man Utd leh Mourinho £60m in an inrem ta?

30th April 2016, 03:04AM

Portuguese coach Jose Mourinho chu Football manager awm tawh zawng zawng zinga hlawh hnem ber ni turin Manchester United chuan tun nipui atang hian an chhawr tan dawn niin The Sun chuan a tarlang.

The Sun-in a tarlan dan chuan Mourinho hian kum thum chhungin £60m lai a hlawh dawn a, Manchester United player-te ai pawhin a hlawh hnem dawn a ni.

Louis van Gaal chuan sum tam tak a hman hnu pawha United a la chet thatpui theih loh avangin season khat dang contract la nei mahse tun nipui hian an chuahtir dawn niin The Sun chuan a tarlang a. Van Gaal thlaktu atan Ryan Giggs chu mite beisei ni mahse Mourinho chu United hotute hian an be ta niin media te chuan an tarlang a ni.

Mourinho leh Manchester United chungchang hi Manchester Evenings chuan thla hnih thum liamta atang khan an lo tarlang tawh thin a. Chelsea-in an ban hnuah Mourinho hian club a la nei lova, England-a hna thawh chhunzawm zel a tum thu media hmaah a lo sawi tawh a, a chhungte nen England hi an la chhuahsan lo a ni.

He thu thar a darh chuai chuai lai hian Sky Sports chuan Morinho leh Manchester United-ten inremna an la neih loh thu a tarlang ve bawk a ni.

Copyright © inkhel.com 2024. All rights reserved.