Old Trafford-a si thum faia hnehna an chan hnuah Manchester United chuan Saint-Etienne an tlawh a, Mkhitaryan-a goal khat hmangin hnehna an chang a, aggregate chuan 4-0 a ni a, United hian Europa League Round of 16 an lut ta a ni.
Goal khungtu Mkhitaryan hi a inhliam avangin lakchhuah a ni a, tun Pathianni zana EFL Cup final an khelh hunah a inlan thei lo maithei a ni. 1st leg-ah Zlatan-a hattrick hmangin United hian hnehna an chang a, Saint-Etienne Stadium-ah pawh Bailly-a'n red card chawi mahse Mkhitaryan-a goal an humhim thei a ni.
St Etienne 0-1 Manchester United
(Mkhitaryan 16')
(0-4 aggregate)
PLAYER RATINGS (data source : opta)
Saint Etienne: Ruffier 6, Malcuit 6, Theophile-Catherine 7, Perrin 7, Pogba 6,Veretout 7, Pajot 7, Beric 5, Monnet-Paquet 6, Saivet 6, Hamouma 7. Subs: Jorginho '6, Roux 6, Lemoine 6.
Manchester United: Romero 7, Young 8, Smalling 7, Bailly 7, Blind 7, Carrick 7, Pogba 7, Fellaini 6, Mata 7, Mkhitaryan 7, Ibrahimovic 7. Subs: Rashford 7, Schweinsteiger 7, Rojo 7.
He match-a goal awmchhun hi 16 mins-a lut a ni a, Mata cross tha zet chu Mkhitaryan hian goal-ah a chantir. Goal hma takin a lut a, aggregate chuan 4-0 lai a ni tawh, Saint-Etienne chuan lehthal an inbeisei tawh lo niin a lang, 63 mins-ah Bailly-a'n yellow card pahnihna a chawi a, hnawhchhuah a ni a.
Hemi hnu pawh hian Saint-Etienne hian beisei an nei tawh lo tih a hriat, inkhel nung tak a tir atanga a tawp thlengin an khel lo a ni. He match-ah hian Rashford leh Zlatan te chuan chance an nei nual bawk.
Old Trafford-a Mkhitaryan a insiamrem hnu November thla atang khan United chuan ngelnghehna tak tak an nei chho niin a lang. Tun season-ah United hian competition hrang hrangah game 41 khel tawhin vawi 26 an chak a, vawi 6 tlawmin vawi 9 an khingpui an inhnehtawkpui. Europa League-ah chuan game 8 khel tawhin vawi 6 an chak a, vawi hnih an tlawm a ni.
Tun Pathianni hian trophy chawi theihna tur an khel dawn, EFL Cup final khelah Southampton hmachhawn dawn mahse Mourinho chuan a player thate a hahchawlh tir hran chuang lova. Rooney chu squad-ah a inlan tam loh avangin China pan mai tur anga sawi a nih mek laiin Mourinho chuan Rooney chu a inhliam avanga a chawlhtir thu a sawi a ni.
Pictures credit : Reuters