Manchester United chuan tun nipui bazarah hian Welsh foward Gareth Bale lak hman ngei tumin an dawr mek, United hian Bale manah £100 million lai an thehchhuak ! niin The Sun chuan a tarlang.
The Sun-in a tarlan dan chuan United hian £100 million in Real Madrid an dawr a, hei hi Real Madrid chuan an lo hnawl hnuah United chuan £100 million bawkin an dawr nawn leh. Hei pawh hi Real Madrid chuan an lo hnawl leh a ni.
United hian hetiang em ema huaia Bale an dawr takah chuan Bale an duh zia a lang chiang hle a. Tin, sum an ngah hle tih pawh a lang chiang bawk. Adidas nena an thawh ho tak avangin United hian sum an ngah hle a, sum an lakluh hnem em avangin FFP pawhin a khuahkhirh hleithei lo, season hnih chhungin Van Gaal chuan £200m chuang a hmang dawn niin a lang.
Heti chung hian £100 million laiin Bale lei a la tum leh tho niin The Sun chuan a tarlang. Real Madrid president Florentino Perez hi mahni inchhuang ve lah a nih avangin United-in heti zat hian dawr mahse a lo hnawl hmak hmak, Benzema leh Bale te chuan tun nipui hian Real Madrid an chhuahsan dawn lo niin Benitez chuan a sawi chhunzawm bawk.
Man Utd hian Real Madrid atangin Ramos leh Bale an lei thei lo a nih chuan an goalkeeper Dea Gea pawh Santiago Bernabeu lamah an kaltir a rinawm loh hle bawk.
picture credit : Getty