​Lords-in wicket 6-in Chaltlang an hneh

24th November 2016, 08:11PM

November ni 24, 2016 : Mahuma Memorial Cricket Tournament, Suaka Memorial Cricket Ground, Sihhmuia khelhah Zarkawt Lords chuan wicket 6-in Chaltlang SC an hneh a, Chaltlang hian an player hlui Zarkawt Lords-a khel ta Lalrempuia an ngam lo a ni.

Round 3 match-ah hian toss-a chak zawk Zarkawt Lords lamin vawm hmasak an thlang a, hma takah wicket hloh nghal mahse captain Lalhruaimawia chuan run 43 a rawn vawchhuak a, Bobby Zothansanga (34) nen an ding nghet hle, a tawp lamah Chaltlang an chesual bawk a, an player hlui Lalrempuia chuan Chaltlang batsmen paruk lai a vawm out a, target pangai tak 129 lai an set thei a ni.

Zarkawt Lords lamin an target um turin bul an tan that a ngai tih an hria, fimkhur takin Lalrempuia leh Jonathan Lalrinchhana ten an khel chho a, wicket 3 hloh vat mahse bowling lama che tha Lalrempuia bawk a che tha chhunzawm, Zarkawt Lords senior batsmen Zothlamuana nen a tawp an khar a, Lalrempuia hian out lovin run 60 a siam a, Zarkawt Lords te hian Chaltlang SC te hi wicket 6 in an hneh ta a ni.

25.11.2016 (9:15 AM)

Kulikawn CC vs Luangmual CC

Copyright © inkhel.com 2024. All rights reserved.