Liverpool chuan Champions League Round of 16 1st leg match-ah FC Porto an tlawh a, Estádio do Dragão-ah mikhual Liverpool chuan 5-0 laiin hnehna an chang hem mai.
Liverpool tan Mane chuan hattrick siamin Salah leh Firmino te chuan goal khat ve ve an khung a, Liverpool hian away goal 5 lai an neih takah chuan quarter final luhna chance tha tak an nei, Anfield-ah thil danglam tak a thleng te a nih ngawt loh chuan Liverpool hian Champions League quarter final an luh ngei rin a ni.
FC Porto 0-5 Liverpool
(Mane 25', 53', 85', Salah 29', Firmino 69')
PLAYER RATINGS
PORTO: Jose Sa 5, Ricardo 5, Reyes 5, Marcano 5, Alex Telles 5, Herrera 5, Sergio Oliveira 5, Otavio 6, Brahimi 6, Marega 6, Soares 5. Subs: Corona 5, Waris 5, Paciencia 5.
LIVERPOOL: Karius 7, Alexander-Arnold 7, Van Dijk 8, Lovren 8, Robertson 8, Milner 8, Henderson 7, Wijnaldum 7, Mane 9, Salah 8, Firmino 8. Subs: Matip 6, Gomez 6, Ings 6.
Goal hmasa ber hi 25 mins-a lut a ni a, box veilam sir atangin Mane chuan a ke dinglamin a thuai, Porto goalkeeper Jose Sa chuan khawih fuh mahse a dang zo lo, a zakhnuaiah chhuak lehin a lum lut ta tho tho a ni. Darkar chanve an khelh tlin hma hretin Liverpool goal khung khawl Salah chuan Champions League-ah goal a khung ve leh.
Milner-a shot tha zet chuan goal post a per, hemi per hi Salah chuan dawngin goalkeeper a pet khum hnuah cool takin a pet goal chhunzawm. Half time a nih chuan si hnih faiin Liverpool chuan hma an hrua.
Second half 53 mins-ah Mane chuan Liverpool goal thumna a khung. Salah through ball tha tak chu Firmino chuan umin a shot a, Porto goalkeeper Jose Sa chuan a lo save, hemi per hi box dinglam atangin Mane chuan awlsam takin a pet goal.
69 mins-ah Liverpool chuan Firmino hmangin an goal lina an khung a, mual veilam sir atanga Milner cross chu near post atangin Firmino chuan a pet goal. Hun tawp dawn minute 5 a la awm tihin Mane chuan Liverpool goal ngana leh a hattrick goal a khung. Box pawn 25 yards atangin kawh zetin Mane hian a shot a, a thlawk lut mawi hle a ni.
Liverpool game a mawi hle a, an attacking a pui thin khawp mai. Porto hian chance hlauhawm an nei lo a ni lo, Liverpool tlarhnung an khel tha hle a, goal an chhuah lo a ni. Liverpool hian quarter final lut turin dinhmun tha takah an ding mek a ni.