​LG Independence Cup Women's Football: GAC-in Semifinal an lut

08th August 2018, 11:08PM

LG Independence Cup Women's Football khelh mekah August ni 8, Nilaini khan AR Lammualah Group C atangin Govt Aizawl College leh St Joseph te an inhmachhawn a, Govt Aizawl College chuan 7-1 a St Joseph hnehin semifinal an lut ta a ni.

St Joseph 1-7 Govt Aizawl College

(Lalhmangaihzuali 53') (K Lalruatfeli 7', 23', 27', 40', Noel Laltlanzovi 11', OG, Lalrinzuali 32', 35')

First half-ah Govt Aizawl College chuan goal li lai an khung a, goal hmasa ber hi minute 7-ah Govt Aizawl College tan free kick atangin K.Lalruatfeli khung a ni a, K Lalruatfeli hian hattrick asiam a, Noel Laltlanzovi chuan an lamah a ti goal hlauh bawk.

Second half-ah goal li a lut a, Govt Aizawl College tan Lalrinzuali chuan goal hnih a khung belh a, K Lalruatfeli chuan goal khat akhung belh leh bawk.

St Joseph hian huntawp dawnah Lalhmangaihzuali hmangin goal khat an thun ve hram a ni.

Govt Aizawl College hian match hnih khel tawhin an khelh tur an khel zo tawh a, an match hmasa zawkah Govt Mizo High School an hneh hnuah St Joseph an hneh leh ta a ni

St Joseph hian match khat khelh hmabak an la nei a, August ni 9, Ningani chhun dar 12:30-ah AR Lammualah Govt Mizo Hight School nen an inkhel leh ang.

August ni 9, Ningani AR Lammual Fixtures

11:30 PM Govt Mizo Hight School vs St Joseph

12:45 PM Women Polytechnic vs Govt Mizo Higher Secondary School HS

2:30 PM New Horizon vs Govt Maubawk HS

Copyright © inkhel.com 2024. All rights reserved.