Mahuma Memorial Cricket Tournament Round 3-na khelh chhunzawm zel niin Kulikawn CC chuan wicket 8-in Zarkawt Lords an hneh.

Toss a vannei zawk Zarkawt Lords lamin vuak hmasak an thlang a, Zemabawk nen an inkhelh țuma an vuak ang zawt zawtin an vaw thei mai lo.

State pawn player Zahir Uddin chu Run 12 chiah a siam tihin a run out a, opener Darremsanga (26) leh Captain Lalruatsanga (16) tih loh run vawchhuak vak an awm lo bawk.

Over 34.1-ah Run 104 chauh siamin an out vek a, Kulikawn spinner-ho an ngam lo hle a, Lalrintluanga'n vawm țha berin over 8 a vawmah Run 20 pein wicket 4 zet ala a ni.

Kulikawn lamin target hniam tak um mahse Zarkawt Lords lamin theihtawp chhuah a an sual let ve avangin over 26.3-ah an Target hi wicket hnih chauh hlohin an umpha ta a ni.

Kulikawn lam State pawn player Prasenjit Sarkar chuan Run 65 siamin a tir ațanga tawp thleng a dam.

Round 3 (24.11.2017)

Zemabawk Pitchers CC vs Gorkha CC