Barcelona player hlui leh Brazil star ni thin Rivaldo chuan a hnampui Neymar chuan khawvela player tha ber ni tur chuan Spanish club Real Madrid a zawm a tul thu a sawi.

(adsbygoogle = window.adsbygoogle || []).push({});

Kum 26 mi Brazilian hian nikum khan Barcelona chhuahsanin France club Paris Saint-Germain a zawm a, Febuary-a a inhliam hma khan ropui takin a club thar tan hian a khel. Chutih rualin Rivaldo erawh chuan PSG-ah a cham reng chuan 'best' a ni thei dawn lo niin a ngai.

Tunhnaiah Neymar leh Real Madrid sawi zawm a ni zeuh zeuh a, hetiang boruak karah hian World Cup chawi tawh Rivaldo hian Neymar hi Spanish club-a kal turin a fuih.

" Neymar hi khawvela player tha ber a nih theih thu ka hrilh a, amaherawhchu PSG-a a cham reng chuan he dinhmun hi a thlen theih loh tur thu ka hrilh a ni," tiin Rivaldo hian GloboEsporte.com a hrilh.

"A khelh dan en ila, khawvela tha ber a nih dawn chuan Spain-ah a kal a tul. Analysis lam i thlir chuan England, Spain, Italy leh Germany an awm - an danglam vek. Mahse competitive football a ni ka sawi ni.

" Barcelona, a dinhmun thlir kha chuan a harsa a ni. Mahse ka rindan leh midangte thil sawi atanga ka sawi duh chu - Real Madrid-ah hian hmun pawimawh ber a chang thei a ni.

"Tichuan le! Khawvela footballer tha ber a ni thei a ni," tiin a sawi.

Neymar-a hliam hian dam lam a pan chho mek zel a, club mai bakah ramin a dam hun a ngaichang reng a. World Cup-ah palina an nih hnuin kuminah Neymar-a hoin Champion an tum dawn a ni.