March ni 17, 2018 khan Suaka Memorial Cricket Stadium, Sihhmuiah Mapuia Cricket League final luh inchuh Kulikawn CC leh Zarkawt Lords an inhmachhawn a, Zarkawt Lords hian wicket 4-a hnehna changin final an lut a, final-ah 3C an hmachhawn dawn a ni.

Qualifier 2, MCL 2018 Final luh inchuhna match-ah Zarkawt Lords te chu toss-ah an vanneih zawk avangin vawm hmasak an thlang a, amaherawhchu Kulikawn lam an chetha hmasa zawk tlat.

Captain C. Lalrinsanga (30), Lalzuitluanga (32) leh Vikash Kumar (32) te an che tha kher mai. Parvez Ahmed chuan run 15 rawn thawh velehin over 20 a zawh meuh chuan Kulikawn CC te hian wicket thum hlohin run 131 an tlin thei a ni.

Zarkawt Lords lam League match-ah an khel tha tluang a, Kulikawn nen phei hi chuan League Match-ah Super Over-ah pawh la inang chho zat zat an nih avangin an Lords ho an zam ru hle, bul pawh an rawn tan muang ta deuh bawk a.

Opener-te an hloh hnuah G. Lalbiakvela (48) leh Zahir Uddin (38) te an rawn chet avangin Lords an rawn kang chho. Tin, hun pawimawhah Captain Darremsanga chetthat zar zovin Zarkawt Lords te hian an tum ram hi wicket 6 hloh in over 19.5 ah an umphak a, wicket 4 in hnehna an chang ta a ni.

Match Summary:

Toss: Zarkawt Lords elected to field

Kulikawn CC: 131/3 (20)

Lalzuitluanga (32)

Vikash Kumar (32)

Zarkawt Lords: 132/6 (19.5)

G. Lalbiakvela (48)

Zahir Uddin (38)

Zarkawt Lords win the match by 4 wickets and enter the Final

M.O.M: G. Lalbiakvela