Kawnpui Zone FA MLA CUP 2017 semifinal chu November ni 23, Ningani khan khelh a ni a, FC Mualvum leh Vengthar United chuan an khingpui ve ve hnehin final an lut

FC Mualvum 3-1 LMFC Hortoki

(Lalrozuala 82', 95', Calvin Vanlalpeka 109') (M Zoramthara 68')

Semifinal inkhel hmasa zawk FC Mualvum chuan 3-1 in FC Hortoki an hneh. Hun pangngaiah 1-1 a an inhneh tawk hnuah extra time khelh a ni a,  FC Mualvum chuan hnehna an chang ta a ni. 

First half-ah goal hlauhawm sawi tur a awm lo. Midfield-ah an indangchat tawn a, clear chance an nei thei lo ve ve bawk.  Second half-ah LMFC Hortoki chuan nawr zawkin minute 68-ah an hun tha neih hmang tangkaiin Biaknia Freekick pet ṭha zet Mualvum keeper Bena dan per chu M.Zoramthara chuan nangchinin an hmahruaina a khung.

FC Mualvum lam chuan theihtawpa nawr let a, minute 82-ah Afela ball pek duhthusam chu Rozuala'n cool tak a goal-ah chantirin an siphurh a rul. 

Extra time khelh a ni a,  Mualvum chuan inkhel thunun thunun chhunzawmin minute 95-ah Rozuala chuan an goal hnihna a thum zui nghal a,  minute 109-ah Calvin-a chuan an goal thumna a thun zui leh a, FC Mualvum chuan 3-1 in hnehna an chang ta a ni. FC Mualvum tan a  goal hnih thuntu Rozuala chu Man of the match-ah thlan a ni.

FC Zanlawn 0-1 Vengthar United

(Hruaia 53')

Semifinal inkhel hnuhnungah Vengthar United chuan sikhat faiin FC zanlawn an hneh. Goal awm chhun hi second half-ah Hruaia thun a ni. 

First half-ah Zanlawn chuan Midfield-ah game an thunun zawk mahse, goal erawh an thun mai thei lo a,  Vengthar United pawhin goal thunna hun tha nei mahse goal erawh an thun mai thei bik lo. 

Second half-ah Vengthar United in siam thain minute 53-ah Zanlawn defender Hruaizela free kick chawi chu Hruaia chuan petin goal-ah a chantir a,  an chakna goal a ni zui ta a ni. 

Zanlawn hian an siphurh sut ngei tumin nawr let mahse, Vengthar defender te an paltlang thei lo. Vengthar United chuan an goal an hum tluan thei a, kum zawnin Vengthar United te hi  MLA Cup final an lut ta a ni. 

Final Fixtures November ni 24, Zirtawp

Under 15:

10:00Am Vengthar United  vs Vc Thingdawl

Men(Open) Final:

01:00 PM FC Mualvum vs Vengthar United Sr

(adsbygoogle = window.adsbygoogle || []).push({});