06 Dec 2017 12:20

inkhel

Kan hmachhawn turte an hlim lo ang - Mourinho

Manchester United manager Jose Mourinho chuan Champions League knockout stage an paltlang hnuin Round of 16-a an tum turah a buai lo tih a sawi a, anmahni hmachhawn turte erawh hlim taka an awm a ring lo.

Thawhlehni zan khan Manchester United hian CSKA Moscow hnehin Round of 16 an lut a, an group-ah hmahruaitu an ni bawk.

Portuguese manager Mourinho chuan, "Kan tum leh turte chu eng team pawh nise a pawimawhin ka hre lo. In tum tur an pawh (draw) hian ka vannei ngai lo va, February thlaah daih khelh tur anih bawk avangin ngawih hmak a theihnghilh a țha rih zawk."

"February thla thlen hma chu England ramchhunga intihsiaknaah hian rilru pek ka ngai. Min hmachhawn tur team erawh lawm vanga an zuan ka ring lo."

"Ka hlim hle a, a chhan chu chak lo leh khel chhe tak chunga tlin (qualify) kan duh lo. Kan tum chu țha taka khel chungin tlin a ni." tiin a sawi.

Thawhlehni zana CSKA an mikhual țum hian Russian club tan Vitinho chuan goal khungin Old Trafford-ah hma an hruai hmasa a, Red Devils tan Romelu Lukaku chuan sutin an chakna goal hi Marcus Rashford khung a ni.