​K. Kawla U-19 Football Talent Hunt Tournament hmawrbawk a hnai

07th May 2017, 04:05AM

Mizoram Footbal Association leh Assam Rifles buatsaih K. Kawla U-19 Football Talent Hunt Tournament chu May ni 6, Inrinni khan AR Lammualah khelh chhunzawm leh a ni a,  Mipa Lunglei chuan final an lut chiang tawh a, Hmeichhia  Kolasib leh Aizawl ten final an lut tawh bawk.

Mipa group B inkhel hmasa zawk  Mamit chuan 4-1 in Lawngtlai hneh mahse an tan final luh beisei awm a ni tawh lo. Inkhel hnuhnung zawk Group A Mipa  inkhelah Lunglei chuan 2-0 a Serchhip hnehin final an lut . 

Group B Hmeichhia  inkhel hmasa zawk  Kolasib chuan  2-0 a Serchhip hnehin final an lut a,  inkhel hnuhnungah Group A Hmeichhia Aizawl chuan 7-0 a Mamit hnehin  final an lut ve bawk.

 May ni 8, Thawhtanni dar 9:00 AM-ah Group B Mipa Mamit leh Champhai ten an khel leh ang a, Mamit an chak chuan Aizawl nen points 6 ve ve an nei ang a,  anin tum tawhna en letin head to head-ah Aizawl an san zawk vang in final an lut ang. Champhai hian point 4 an nei tawh a,  an chak chuan final an lut thung ang. 

Mipa: 09:30 AM Mamit 4-1 Lawngtlai

(Samson VL Hriatpuia 12', 53', 83', Lalnunsanga 37') (Rony 35')

11:00 AM Serchhip 0-2 Lunglei

(C Lalduhawma 25', Lalawmpuia OG 79')


Hmeichhia: 12:30 PM Serchhip 0-1 Kolasib

(Lalthansangi 26')

02:00 PM Mamit 0-7 Aizawl

(K Lalruatfeli 11', 36', 44', Vanlalhriattiri Bawihtlung 17', 22', 25', 39')

May Ni 8, Thawhtanni Fixtures:

Boys: 09:00 AM Mamit vs Champhai

Girlds: 01:00 PM Serchhip vs Lunglei

(adsbygoogle = window.adsbygoogle || []).push({});

Copyright © inkhel.com 2024. All rights reserved.