JMC National Ranking Table Tennis Championship 2015 (Central Zone), Jamnagar, Gujarat a khelh zawh takah Mizo naupang Jeho Himnakulhpuingheta Lunglei Salem veng chuan sub junior category-ah Silver medal a vaw chhuak.
Jeho-a hi India rama Table Tennis Academy tha ber, Petroleum Sports Promotion Board, Ajmer, Rajasthan a awm lai niin, Cadet Boys-ah India no 1 hial a lo ni tawh a, sub junior category a, a vawikhat khelhna-ah India sub junior no 2 ni lai Manush Shah, Gujarat mi lakah final ah a vanduai zawkah a tang ta hlauh a ni.