​Jerez-ah Lorenzo pakhatna

04th May 2015, 03:05AM

Spanish MotoGP-ah khawtual rider Jorge Lorenzo chu pakhatna niin, khawtual rider tho Marc Marquez chuan dawtin, Valentino Rossi chuan podium a chang phak leh ta hram.

Spanish rider te hi Jerez-ah hi chuan che tha tura ngaih sa an ni a, rin lawk ang rengin Lorenzo chuan pole a chang a,Valentino Rossi erawh row hnihna atanga bul tanin, a tir atangin top 4-ah a awm ngar ngar a, Lorenzo leh Marquez te hi a indawtin an tlan reng bawk a, intlansiak chhung zawngin thil danglam em em a thleng lo, Lorenzo chu a fal tluan a, Rossi lakah Marquez pawh a fal tluan a, intlansiak hmuhnawm em em ang kha chu ni lo mahse Lorenzo pakhatna a rawn ni leh thei hi a lawmpuiawm tak zet a ni.

Training naa a chetsual vangin Marquez chuan zai a tawk a, a kut zungtangah harsatna a tawk. Valentino Rossi hian a career-a podium vawi 200 a dinna a ni bawk a. Pakhatna kum 27 mi Lorenzo hian tun season-ah podium a vawi khat channa niin pakhatna a ni ta a ni. World Champion vawi hnih lo ni tawh Jorge Lorenzo hian season tharah Yamaha a khalh leh tur thu a sawi chiang nghal bawk a ni.

Nikum October thlaa Japan-a winner a nih hnu khan a vawi khat nan winner a rawn ni leh ta a, Lorenzo chuan,"Nuam ka ti hle mai. Bike pawh khalh a nuam hle, ka tan chuan a special hle mai, a chhan chu hun rei tak pakhatna ka ni tawh si lova, vawiin hian ka talent ka hmang tangkai niin ka hre bawk," tiin a sawi.

Marquez chuan a kut zungtang a chet hleitheih loh thu sawiin, pahnihna a ni chu a lawm em em thu a sawi a ni. Kumin hi a phurawm dawn riau mai. Season hmasa kha chu Marquez khan a thunun lutuk a, kuminah erawh Lorenzo, Marquez leh Rossi te hmel kan inhmuh chhawk turah beisei teh ang.

Spanish Grand Prix results:

1. Jorge Lorenzo (Spain) Yamaha 44:57.246

2. Marc Marquez (Spain) Honda 45:02.822

3. Valentino Rossi (Italy) Yamaha 45:08.832

4. Cal Crutchlow (Britain) Honda 45:19.973

5. Pol Espargaro (Spain) Yamaha 45:23.866

6. Andrea Iannone (Italy) Ducati 45:24.267

7. Aleix Espargaro (Spain) Suzuki 45:32.691

8. Bradley Smith (Britain) Yamaha 45:33.542

9. Andrea Dovizioso (Italy) Ducati 45:39.179

10. Yonny Hernandez (Colombia) Ducati 45:48.318

World Championship standings:

1. Valentino Rossi (Italy) Yamaha 82 points

2. Andrea Dovizioso (Italy) Ducati 67

3. Jorge Lorenzo (Spain) Yamaha 62

4. Marc Marquez (Spain) Honda 56

5. Andrea Iannone (Italy) Ducati 50

6. Cal Crutchlow (Britain) Honda 47

7. Bradley Smith (Britain) Yamaha 36

8. Aleix Espargaro (Spain) Suzuki 31

9. Pol Espargaro (Spain) Yamaha 26

10. Maverick Vinales (Spain) Suzuki 20

Copyright © inkhel.com 2024. All rights reserved.