January transfer window hawn a ni tep tawh, sum ngah Premier League club-te chuan squad tih chakna tur player an lak leh nual a rinawm.
Manchester United pawhin player lian pahnih khat tal an melh leh ngei a rinawm, chutiang bawkin Premier League hmahruaitu Chelsea pawhin team chhah zawk neih tumin an beih a rinawm. Wenger chuan Cup engemaw tal chawi a duh a nih chuan squad tih chakna tur player hrawl a melh ngei a rinawm bawk.
Transfer titi lengvak atangin player che sawn tura bbc-in a rinte thai lang ila.
1. MORGAN SCHNEIDERLIN. Midfielder, 27, Manchester United
Jose Mourinho chuan tun season-ah vawi 11 chiah league-ah a khelh tir. Everton leh West Brom nen sawi zawm mek a ni. £24m man vel ni tura rin a ni.
2. VIRGIL VAN DIJK. Centre-back, 25, Southampton
Van Dijk erawh a khelh that avangin club lian lamin an ngaihven, Chelsea, Man Utd leh Man City te nena sawi zawm mek a ni e. A man tur awm vela ngaih chu £35m a ni.
3. MAMADOU SAKHO. Centre-back, 26, Liverpool
US Tour atang khan thawn hawn kha a ni a, first team-ah kan hmu leh tawh lo. PSG, Lille leh West Brom te nena sawi zawm a ni mek. A man tur awm vela ngaih chu £12.5m a ni.
4. ROSS BARKLEY. Midfielder, 23, Everton
Beisei a phak tak tak tawh lo, rinrawlah Everton chuan an hmang ngam chiah tawh lo niin a lang bawk. Tottenham chuan an dawr mek nia sawi a ni a, A man tur awm vela ngaih chu £35m a ni.
5. DIMITRI PAYET. Midfielder, 29, West Ham
Club lian zawkin an ngaihven reng a, West Ham-a cham reng ai chuan trophy chawi theihna club lian zawm mai a tum nia report a ni. Arsenal leh Man Utd te nena sawi zawm mek a ni. A man tur awm vela ngaih chu £35m a ni.
6. MEMPHIS DEPAY. Winger, 22, Manchester United
Beisei sang takin Van Gaal chuan Old Trafford-ah lalut mahse beisei a phak lo. Mourinho-a hnuaiah pawh hmun a chang lo chhunzawm bawk. Everton, Lazio leh Sevilla te nena sawi zawm mek a ni. A man tur awm vela ngaih chu £13m a ni.
7. ASMIR BEGOVIC. Goalkeeper, 29, Chelsea
Courtois a dam chhung chu hmun a chan a rinawm loh. Chelsea tan EFL Cup-ah a inlan ve, a bak chu a hmel kan hmu ngai lo. Stoke leh West Ham te nena sawi zawm mek a ni a. Loan-a a chhuah mai a rinawm.
8. JORDAN RHODES. Striker 26, Middlesbrough
Top Flight Team-ah hmun a chang lo, Championship division lama a chhukthlak mai a rinawm ta. Aston Villa leh Sheffield Wednesday te nena sawi zawm mek a ni. A man tur awm vela ngaih chu £9m a ni.
9. MOUSSA DEMBELE. Striker, 20, Celtic
Urlawkni khan tun season-a a goal 18-na Celtic tan a khung. Liverpool leh Manchester City te nena sawi zawm mek a ni. A man tur awm vela ngaih chu £20m a ni.
10. ADEMOLA LOOKMAN. Winger, 19, Charlton Athletic
He rawlthar hian fak a hlawh hle, tun season-ah Charlton tan goal 6 a khung tawh. Everton-in an dawr mek nia sawi a ni. A man tur awm vela ngaih chu £11m a ni.
11. VICTOR LINDELOF. Centre-back, 22, Benfica
January thla khan Middlesbrough a zawm hman teuh hle, Protuguese champions defender hi Man Utd chuan an la mai tawh dawn nia sawi mek a ni a, a man tur awm vela ngaih chu £38m a ni.
12. YACINE BRAHIMI. Midfielder, 26, Porto
He Algerian playmaker hian Porto-ah regular takin hmun a chang lo, Everton, Arsenal leh Man Utd te nena sawi zawm mek a ni. A man tur awm vela ngaih chu £38m a ni.
13. MARCO VERRATTI. Midfielder, 24, PSG
A agent chuan PSG-ah a cham reng theih tawh loh thu a sawi a, a chhuak mai dawn nia sawi mek a ni. Premier League hmahruaitu Chelsea nena sawi zawm mek a ni. A man tur awm vela ngaih chu £40m a ni.
14. JAMES RODRIGUEZ. Midfielder, 25, Real Madrid
Zidane-a hnuaiah a hlim lo, chhuak mai tura sawi a ni chhunzawm zel. PSG leh Inter Milan nena sawi zawm mek a ni a, a man tura rin pawh hi a to hle mai, £70m a la ni hem mai.
15. GEOFFREY KONDOGBIA. Midfielder, 23, Inter Milan
Kum 2015 khan Monaco atangin £26m-in Inter a zawm a, Inter coach thar Stefano Pioli hnuaiah hmun a chang tam lo, Chelsea leh Liverpool-in an inchuh nia sawi mek a ni. A man tur awm vela ngaih chu £20m a ni.
16. ADRIEN SILVA. Midfielder, 27, Sporting Lisbon
Tun nipuiah khan Leicester City a zawm hman teuh hle a, mahse Leicester City-in lei an dilna kha Sporting khan an hnawl a nih kha. Tun thlasik bazarah hian Foxes chuan lak ngei an tum dawn nia sawi mek a ni. £21m man vel ni tura ngaih a ni.
17. AXEL WITSEL. Midfielder, 27, Zenit St Petersburg
Summer transfer deadline day-ah khan Juventus a pan dawn emaw tih laiin an indawrna a tlawlh ta si a, tun January transfer window-ah hian Juventus chuan an lak ngei rin a ni. £20m man vel ni tura rin a ni.
18. MANOLO GABBIADINI. Striker 25, Napoli
Striker chhia a ni lo, tun season-ah pawh Napoli tan goal 3 a khung tawh, hetih lai hian Napoli chuan a aia tha foward lei tumin ani hi thehchhuah an tum nia sawi mek a ni. Everton, Stoke leh Schalke te nena sawi zawm mek a ni a, £18m man vel ni tura rin a ni.
19. NIKOLA KALINIC. Striker, 28, Fiorentina
Blackburn striker hlui hi tunah Serie A goal khung hnem ber a ni ve mek. Napoli chuan lei tumin an hel mek nia sawi a ni a. £42m man vel ni tura rin a ni.
20. KASPER DOLBERG. Forward, 19, Ajax
He Danish foward hian Italy emaw England emaw a pan ngei dawn nia ngaih a ni mek. English club Manchester City chuan he player naupang hi lak ngei an tum nia sawi a nih laiin Italian club pahnih Juventus leh Napoli te pawh Dolberg duhtu zingah an tel nia sawi a ni. £20m man vel ni tura rin a ni.
