Britain Gymnast hlawhtling ber pawl Louis Smith chu Islam sakhua a zah loh avangin British Gymnastic chuan thla hnih chhung inelnaa tel thei lo turin a hrem.

Britain tana Oylmpic medal pali zet la tawh Smith hi Islam sakhua zah loh taka a nuih lai video a darh a, ngaihdam dil mahse tawh mahse British Gymnastic chuan an hrem ta tho a ni.

British Gymnastic aiawha mipuia hmaa ding chief executive Jane Allen chuan, "Nipui hlawhtling tak kan hman hun lawka hetiang thil a thleng hi pawi kan ti takzet a, he infiamna zahawmna kengkawhtu kan angin keini lam chuan a tul anga hma kan lak mai a ngai a ni." tiin Smith chu hrem lo thei an ni lo tih a sawi.

Smith hi sawisel a kai zeuh zeuh tawh a, June thla khan American gymnast kum 16 leka upa laka tawngkam mawi lo a hman avangin zilhhau a lo tawk tawh nghe nghe. April thla pawh khan British Championship-ah Max Whitlock a hneh loh avangin judge-te a lo sawisel tawh bawk.