India football team captain hlui Baichung Bhutia chuan tun season Indian Super League (ISL)-in season dang a pha lo tih a sawi a, goal pawh a lut tlem tih a sawilang.

East Bengal leh Mohun Bagan striker hlui chuan, "Statistics enin kumin chu season hmasa aiin goal 37-in goal a lut tlem zawk. Season hmasa tun ang hunah kha chuan goal a lut tam."

"Team tam takin goal venhim lam an uar a, Indian player ațang pawhin goal khung thei an khat pharh a hei hi thil lawmawm a nilo. Atletico de Kolkata pheichuan tun season-ah Indian goal khung thei an la nei lo va, season hmasa kha chuan Chennaiyin tan Indian player-in goal an khung thei."

"Coach-te hian tlawm loh an tum ngawr ngawr ni berin ka hria a, hei vang hian inhnehtawk pawh an tam." tiin a sawi.

Nakuma India-in a thlen tur U-17 World Cup chungchang pawh sawiin Bhaichung chuan, "Inpuahchahna a țha khawp mai. All India Football Federation (AIFF) leh Sports Authority of India (SAI)-in mamawh tinreng an pechhuak thei. Nicolai (India coach) hian team an khawng tawk lo tih a hria a, keipawhin ka duhkhawp lo. Hei vang hian rampawn lamah scout a tir chhuak."

"Tha takin Wolrd Cup-ah hian kan khelh ka beisei a, kan tana țha tur ber team an ni. U-17 World Cup level hi a sang hle." tiin a sawi.

Padma Shri pawh dawng tawh Bhaichung hian Dempo SC Salgaocar leh Sporting Clube de Goa-te'n I-League an chhuahsan chu pawi a ti ve hle tih a sawilang a, club hlun pathumte hi chhuak mahse team dang tan kawng a inhawng tih a sawi bawk a ni.

* Pic: Reuters