Ramthar vs Mission Vengthlang:
Ramthar hian an player tha Zonuna tel loin Mission Vengthlang chu harsa lo takin 80-45 in an hneh a, round of 16 an lut a ni.

Zarkawt vs Nursery:
Anni inkhel hi an inhnehtawk hle a, Nursery hian bul an tan tha zawk daih a; amaherawhchu, player naupang tak tak awmna Zarkawt hi a tawp an khar tha ta zawk a, Zarkawt hi 84-80 in an chak a ni.

Republic vs Leitan:
Anni inkhelah hian Leitan hi bul tan tha zawk an ni a, half time-ah 40-22 in hma an hruai hman a. 3rd quarter atangin Republic an rawn harh thar a, an che tha chho hle a. 4th quarter-ah second 0.9 chauh a la awm tihin point 1 in hma an hruai ta hlauh a, hun a tawp zui a, Republic hi 65-64 in an chak a ni.