Invitational Basketball Tournament chhunzawm zel

21st April 2018, 04:04PM

Zirtawpni khan Dawrpui Vengthar Branch YMA Golden Jubilee puala buatsaih, Invitational Basketball Tournament chu Dawrpui Vengthar basketball court-ah khelh chhunzawm a ni a. Dan pangngaiin inkhel vawi thum a awm a, chawhnu dar 3:00 atanga tanin tlai dar 5:00 leh zan dar 8:30 ah te inkhelh a ni.

College Veng vs Model Veng
Inhnehtawk takin 1st quarter leh 2nd quarter an khel a, half time-ah point 1 in Model Vengin hma an hruai a, 20-19 a ni.

3rd quarter leh 4th quarter an khel tha lo ve ve a, a tawpah Model Veng lamin senior player an neihte chhawr tangkaiin 40-33 in hnehna an chang ta a ni.

Saron vs Dinthar
Bul tan atangin game a rang hle a, Dinthar in Saron an khel tawk hle a, 1st quarter chhungin 24-23 in hma an hruai a, 2nd quarter-ah erawh an khel a inthlakthleng thawk a, point 4 chiah an thun belh a, Saron in half time ah 51-28 in hma an hruai ta duai a ni.

Quarter dangah pawh Saron an chungnung chho zel a, 84-52 in awlsam takin an chak a ni.

Dawrpui vs Chaltlang
Inkhel tan atangin Dawrpui an khel tha hle a, Chaltlang hian an tum angin an khel hleithei lo a ni ber mai. Game tluanin Dawrpui an chungnung a, inkhel a tawp meuh chuan 87-53 in Dawrpui hi an chak ta a ni.

Copyright © inkhel.com 2024. All rights reserved.