​Inter Veng Branch YMA Basketball Final-ah Ramthar Veng leh Chawnpui

29th June 2018, 01:06PM

Chawnpui Branch YMA ten Golden Jubilee denchhen a an buatsaih Inter Branch YMA Basketball Tournament 2018 chu June ni 28, Ningani zan khan Chawnpui Sports Centre-ah semifinal khelh a ni a, Ramthar Veng Branch leh Chawnpui Branch chuan an khingpui ve ve hnehin final an lut ta a ni.

Final hi July ni 30, Inrinni zan dar 8:00-ah khelh tur a ni.

Semifinal inkhel hmasa zawk Khatla South Branch leh Ramthar Veng Branch inkhel a hmuh nawm a, chak zawk tur hriat thiam a har hle; hmahruaitu zawk awm lova an inlehthal zak zak hnuah Ramthar Veng Branch vannei zawkah tangin 91-89 in Khatla Branch an hneh a, final an lut ta a ni.

Inkhel hnuhnungah Chawnpui Branch leh Republic Branch te pawh an inhneh tawk hle a, chungnung zawk awm hlei thei lovin an innawr tawn zak zak a, chak zawk tur hriatthiam a har hle. Quarter hnuhnung berah Chawnpui chuan an tawnhriat neih that hmang tangkaiin 63-60 a Republic Branch hnehin final an lut ve ta a ni.

June ni 28, 2018 (Ningani) Semifinal Results:
1st match
06:00PM Khatla South Branch 89-91Ramthar Veng Branch

2nd match
08:00PM Chawnpui Branch 63-60 Republic Branch

June ni 30, 2018 (Saturday) final Fixtures:
8:00 PM Chawnpui Branch vs Ramthar Veng Branch

(adsbygoogle = window.adsbygoogle || []).push({});

Copyright © inkhel.com 2024. All rights reserved.