Inter School Basketball Championship khelh tan a ni

12th August 2015, 12:08AM

SBI Life Insurance Mizoram Inter School Basketball Championship vawi 7-na chu vawiin atangin Hawla Indoor Stadium, Republic Vengthlangah khelh tan a ni.

Mizoram Basketball Association leh SBI Life Insurance-ten an buatsaih Inter School-ah hian Middle School, High School leh Higher Secondary School, an vaiin team 46 an tel thei. He tournament-ah hian School 26 telin hetiang hi scchool hrang hrang tel dan a ni. Middle School-7, High School-13, Higher Secondary School-20 , Girls team 6 an ni. September 10, 2015-ah zawhfel tura ruahman a ni.

August 11, 2015 Thawhlehni inkhel hmasa berah Rev.Saiaithanga H/S chuan 33-31 a Saviour High School hnehin inkhel inhnehtawk takah an vannei ta zawk a. Inkhel hnuhnungah New Hope H/S chuan 69-48 a Tuikual South H/S sawpin championship bul an tan tha hle bawk.

August 12, 2015 Nilaini Fixture:-

01:00PM Royal Standard vs Govt.Mizo (High School)

02:30 PM Faith Academy vs PS Keifang (High School)

Copyright © inkhel.com 2024. All rights reserved.