LBS Suzuki 21st Inter Branch YMA Volleyball Tournament chu June ni 5, Thawhlehni zan khan R Dengthuama Indoor Stadium Mualpuiah Mipa final Zawlnuam Vengpui leh Muanna Veng ten an khel a, Muana Veng chuan 3-1 a Zawlnuam Vengpui hnehin a vawi khat nan an champion ta a ni.

07:00 PM Zawlnuam Vengpui 1-3 Muanna Veng
(18-25, 25-20, 22-25, 7-25)

Final inkhel a hmuh nawm hle a, set hmasa ber chu Muanna Veng chuan 25-18 in la mahse, Set hnihna erawh Zawlnuam Vengpui chuan 25-20 in anla ve thung.

Set thumna khelh a ni a, set la zawk tur hriat har khawpin an inhneh tawk a, zawlnuam Vengpui tan Ramnunfela leh MS Tluanga te che tha hle mahse, Muana Veng tan Maliana, Ramzauva, Mamuana leh Sadraka te an thawh hlawk ve bawk nen Zawlnuam Vengpui tan dan ngaihna an awm lo. Muanna Veng chuan 25-22 in set thumna an la ta a ni.

Set li na khelh chhunzawm a ni a, Muanna Vengin bul an tan tha zawk a, Zawlnuam Vengpui an thawh hona that tawk loh an tuar thung. Zawlnuam Vengpui tan Ramnunfela langsar mahse hnehna chang turin an thawh hona a tha tawk lo thung. Muana Veng tan Mamuana, Sadraka leh Ramnghak te an thawh hlawk hle a, an chakna hnar an ni. Harsatna awm lo in, set li na chu Muanna Veng chuan 25-7 in anla a, hnehna an chang ta a ni.

Lawmman:
Champion: Muanna Veng, Rs 30,000/- Trophy+Certificate

Pahnihna : Zawlnuam Vengpui, Rs 20,000/- Tropy+Certificate

Best Setter: Lallianthanga, Muanna Veng, Rs 2,000/-Trophy +Certificate 

Best Spiker: Sadraka, Muanna Veng, Rs 2,000/- Trophy+Certificate
Man of the Match: Sadraka, Muanna Veng.

(adsbygoogle = window.adsbygoogle || []).push({});