June ni 6, Thawhlehni khan Central YMA leh Mizoram Football Association (MFA) tangkawpin an buatsaih TT Royte Trophy Inter Branch YMA Football Tournament 2017 Round of 16 khelh chhunzawm a ni a, inkhel vawi hnih awmin Chhinga Veng leh Salem Veng chuan an khingpui ve ve hnehin quarter final an lut ve leh ta a ni. June ni 7, Nilainiah khelh chhunzawm leh tur a ni a, inkhel vawihnih a awm ang.
Quarter Final lut tawh te: 1. Ramhlun South 2. ITI chuan 3. Chhinga Veng 4. Salem Veng
11:00 AM Aizawl Venglai 1-2 Chhinga Veng
(PL Biaksanga 81') (Lalchhuanpuia 70', C Zomuanpuia 90+2'(p)
Inkhel hmasa zawkah Chhinga Veng chuan 2-1 in Aizawl Venglai an hneh a, quarter final an lut ve ta a ni. Goal lut te hi second half-a lut an ni.
Second half-ah Chhinga Veng tan S Malsawmtluanga (Mama) rawn lutin inkhelah danglamna a rawn siam nghal a, 70 mins-ah Lalchhuanpuia chuan free kick an hlawh chhuah atangin goal hmahruai khung mahse, 81 mins-ah Aizawl Venglai tan PL Biaksanga chuan free kick atang bawkin an siphurh a rul a, hun tawp dawn injury time-ah Chhinga Veng tan C Zomuanpuia chuan penalty an hlawh chhuah a tangin an chakna goal a khung ta a ni.
01:30 PM Durtlang 0-1 Salem Veng
(B Zosangliana 72')
Inkhel hnuhnung zawkah Salem Veng chuan B Zosangliana goal khat hmangin Durtlang an hneh a, goal awm chhun hi Second half minute 72-ah B Zosangliana khung a ni.
June ni 7, Nilaini Fixtures
11:00 AM : College Veng vs Durtlang Leitan
01:30 PM Chaltlang vs Bawngkawn
(adsbygoogle = window.adsbygoogle || []).push({});