Central YMA leh Mizoram Football Association (MFA) tangkawpin an buatsaih TT Royte Trophy Inter Branch YMA Football Tournament 2017 chu May ni 25, Ningani khan AR Lammualah Round of 32 khelh tan a ni a, inkhel vawi li awmin ITI, Leitan, Chaltlang leh Aizawl Venglai te chuan an khingpui theuh hnehin Round of 16 an lut ta a ni. May ni 26, Zirtawpah khelh chhunzawm leh tur a ni a, inkhel vawi li a awm ang.

Inkhel hmasa berah Dinthar leh ITI te hun pangngaiah goal awm lo a an inhneh tawk hnuah penalty shootout-in chak zawk zawn a ni a, ITI chuan 4-2 a hnehna changin Round of 16 an lut ta a ni.

Inkhel vawi hnihnaah Leitan chuan 2-1 in Tuikual North an hneh. First half-ah Tuikual North tan minute 32-ah Lalremruata chuan goal hmahruai khung mahse, Second half-ah C Lalrinchhana chuan minute 60-ah an siphurh sutna goal a khung a, hun tawp dawn minute 5 ala awmin Ramhlunchhunga chuan an chakna goal a khung ta a ni.

Inkhel vawi thum naah Kawrtethawveng leh Chaltlang te hun pangngaiah goal awm lo in anin hneh tawk a, penalty shootout-a chak zawk zawn a nih hnuah Chaltlang chuan 3-1 in hnehna an chang ta a ni.

Inkhel hnuhnung berah Aizawl Venglai chuan 1-0 in Chamari West an hneh. Goal awm chhun hi minute 17-ah Aizawl Venglai tan Lalbiakzuala thun a ni.

May ni 25, Ningani Round of 32 AR Lammual Results

09:30 AM Dinthar 0-0 ITI

(Penalty Shootout-ah ITI 4-2 in an chak)

11:30 AM Leitan 2-1Tuikual North

(C.Lalrinchhana 60', Ramhlunchhunga 85') (Lalremruata 32')

01:30 PM Kawrtethawveng 0-0 Chaltlang

(Penalty Shootout-ah Chaltlang 3-1 in an chak)

03:30 PM Aizawl Venglai 1-0 Chanmari West

(Lalbiakzuala 17')

May ni 26, Zirtawpni Fixtures

09:30 AM Zawlnuaiborai vs Samlukhai

11:30 AM Lengpui vs Electric Veng

01:30 PM Ramhlun South vs Ramthar Veng

03:30 PM Khawzawl Jt, YMA vs Republic Vengthlang.

(adsbygoogle = window.adsbygoogle || []).push({});