Mizoram on Two Wheels chuan naktuk hian an cycling expedition vawi 4 na atan Serlui 'B' Hydel project an pan leh dawn a, he tour hi an sponsor hming chawiin 'Inkspot Tour de Serlui B' an ti a ni.

Tun tumah hian thirsakawr khalh thiam mi 7 ten kilometre 110 vela hla, Serlui B Hydel Project chu Aizawl atangin an pan dawn a, Sairang, Buichali, Mualkhang Gas bottling plant, Food Park hmun tur, Kawnpui, Kolasib leh Bilkhawthlir te hrut thlain, Serlui B chu luh an tum dawn a. Hun danga an lo tih thin tawh dan angin lei leh boruak atangin thla an la leh dawn a, remchang hmasa berah an media partner Zonet TV ah tihchhuah leh tur a ni.

Michael Laldinsanga Ralte in a kaihhruai tur Inkspot Cycling tour ah hian rider hmelthar te pawh kan hmu dawn a, badminton khel thiam, Mizoram chhunga vawi tam tak champion tawh, state aiawha vawi tam feh chhuak tawh Samuel Lalnunmawia pawh a tel ve dawn a ni.

Mizoram on Two Wheels hian nikum lam khan Aizawl atangin Sailam khua an va tlawh tawh a, chumi hnuin Chalfilh tlang lawnin Vanzau ah an han riak lut tawh a, kumin fur lai khan Reiek tlang an lawn chilh tawh bawk a. Tunah hian a hla ber leh hautak ber tura ngaih Serlui B Hydel Project an pan leh dawn a; an ngaih pawimawh - taksa hriselna vawn pawimawh zia te, Zoram zimte kan tihchereu mek venhim a tuk ziate chu an tlangaupui leh dawn niin show producer chuan a sawi