German club Werder Bremen chuan Arsenal winger Serge Gnabry chu £5million-in an lalut fel ta.
Kum 21 mi Olympic silver medalist hian Rio Olympic-ah ram tan tha takin khel mahse Arsene Wenger-a hnuaiah hmun a chang tak tak thei dawn lo tih a inhrechiang. Chuvang chuan Bremen lam a pan ta a ni.
Gnabry hian kum 2011 khan VfB Stuttgart atangin Arsenal a pan a, Arsenal-a a cham chhungin vawi 10 chiah London club tan a inlan. West Brom lamah loan ten a kal kual a, Germany-ah a kir leh ta nge nge a ni.
Nilaini transfer deadline day khan Gnabry hian Bremen hi a pan a, medical a neih hnuah permanent-in Bremen-ah a lut ta a ni.
"Hemi hmuna ka rawn kal hi ka hlim hle a ni. Per Mertesacker leh Mesut Ozil ten he club that thu min hrilh a. Club enkawltute nen inbiakna tha tak kan nei bawk a.
"Olympics-ah khan ka theihna ka phochhuak a, hma ka sawnna chu Werder-ah hian chhunzawm zel ka tum a ni. Inkhelh tam ka duh avangin Bremen hi ka rawn pan a ni," tiin Serge Gnabry chuan a sawi.
Pictures Credit : Bremen & Getty