​Inhliam Novak a la rawn kir thei rih lo

30th December 2017, 12:12AM

World Number one lo ni tawh thin Novak Djokovic chuan lo kir leh tum mahse a hliam avangin tun hnaiah a rawn kir leh thei dawn ta lo.

Grand Slam winner vawi 12 lai lo ni tawh Novak hian kumin Wimbledon quarter final a khel hnu khan a chawl ta vang vang a, tunkar tawp hian Mubadala World Tennis Championship-ah inlan tumin Roberto Bautista Agut hmachhawn tur a ni a, mahse a kiu hliam avang chuan chawlh a la mamawh ta zel a ni.

"Ka hliam hian season bul tha taka tan ka tum min ti khaihlak thei dawn tlat mai," tiin Djokovic chuan a sawi.

Britisn number one Andy Murray erawh hmanni lawka a hliam chu a dam niin a lang a, Serb star hi a thlak dawn a ni. Kum 30 mi Murray hian kawng bawr hliam avangin season chawhnu lam a khel tha hleithei lova, January thlaa Australian Open-ah erawh inlan theih a tum a ni.

Rafael Nadal pawh khup hiam avangin tunah hian a chawl mek a, Brisbane International atangin a inhnukdawk a, hetih lai hian Australian Open-ah erawh inlan a tum.

Kum 30 mi Djokovic hian Grand Slam hmasa ber a hmachhawn theih a rinawm chiah lo, "Ni reilote liam hnu atang khan ka kiu hi a na leh a, test kan han nei a, ka medical team te chuan risk la lo turin min ti a, chuvang chuan tournament atangin ka inhnukdawk ta a ni. A pawi ka ti hle a, official match khelh leh thuai thuai ka chak a ni," tiin Novak chuan thuchhuah a siam.

Copyright © inkhel.com 2024. All rights reserved.