Australian Open final- a inhmachhawn zo chiah Roger Federer leh Rafael Nadal an inhmachhawn leh dawn a, Indiana Wells Open khelh mekah player pahnih hi fourth round-ah an inhmachhawn dawn a ni. Spaniard Nadal-a'n fourth round lut turin a hnampui Fernando Verdasco 6-3 7-5 in a hneh a, tum 18 zet Grand Slam champion ni tawh Roger Federer pawhin American Steve Johnson 7-6, 7-6 in a hneh ve bawk.

Australian Open Final, 2017

Nadal nena tum 36 an inhmachhawnna tur thlir lawkin Federer chuan, "Indiana ka pan chhan chu Nadal-te ang player tha ka khelh duh vang a ni. Ka phur hle tur a ni a, a nih loh keimahah dik tawk lo a awm tihna a ni ang. Australia-a thil thleng ngaihtuah loin theihtawp chhuain ka khel leh dawn a, game pawimawh tak niin ka hria," tiin Nadal laka tih mai mai a tum loh thu a sawi.

Wimbledon Final, 2008

Roger Federer-a naupang tawh lo a, a vanglai a pel tawh tih phat rual a ni lo. Tunhma kha chuan player pahnih hi Tennis inelna lian thamah chuan final-ah kan hmu ngei ngei tih theih a ni a, Federer-a tlakchhiat lamah Nadal-a inhliam vangin a buai reng a, player pahnih hi reh deuh vang vang mahse kumin a rawn khel tha dun hle. Australian Open-ah Nadal vanduai zawkaha tang mahse an pahnih inhmachhawn tawhah chuan Nadal hian Federer lakah hnehna a chang ngun zawk a ni.