​I-Day Tournament Champhai DAY -2

09th August 2015, 01:08AM

8th Aug, 2015, Champhai : I-Day Football Tournament chu Chhangphut field-ah khelh chhunzawm leh a ni a, vawiin inkhel hmasa berah Hnahlan SC in Kanan SC goal 2 goal khatin an hneh a, Hnahlan Laldinchhana leh Lalramkima ten goal khat ve ve an khung a. Kanan tan Liansangzuala'n goal khat a khung ve bawk. He inkhel ah hian Red Card vawi 3 phawrh niin Kanan Players pahnih leh Hnahlan Players pakhat hnawhchhuah an ni.

Inkhel vawihnihna ah Vengsang SC Goal 5 goal 1 in Khuangleng SC an hneh a, Vengsang tan C Lalmuanpuia'n hatrict a siam a, Zaremsiama Chhangte leh MS Dawngliana ten goal khat ve ve an khung a. Khuangleng tan Isaac Vanlalhruaia'n goal khan a khung ve bawk.

Inkhel vawi thumnaah Venglai SC leh Zotlang G&SA inkhelin inkhel hmuhnawm leh boruak trang takah Zotlangin hun tawp dawna Zonunthara Goal an chak pui a.

Inkhel hnunhnung berah Ruahsur hnuaiah Bulfekzawl leh Ruantlang inkhelin Ruantlang tan Zonunmawia(P) leh Rosangliana ten goal khat ve ve an khung a. Bulfekzawl tan Laltlankima (P), Andrew Lalhmunzauva leh Larinfela ten Goal khat theuh khung in Bulfekzawl hian 3-2 in hnehna an chang ta a ni. Thawhtanah khelh chhunzawm leh a ni anga, Pool Match khelh zawh a ni ang.

inkhel reporter : Jacob Khawlhring

Copyright © inkhel.com 2024. All rights reserved.