3rd Aug, 2015 I-Day Football (Mipa): Club liante an inkhing tawk hle

04th August 2015, 04:08AM

I-Day Football Tournament (Mipa) a hmuhnawm chho zel, August ni 3, 2015 khan AR Lammual-ah match hnih awmin match hnihah hian chak zawk an awm lo ve ve a ni.

Inkhel hmasa zawkah Mizoram Police FC leh Bethlehem Vengthlang FC te chu goal awm lovin an inhnehtawk a, Mizoram Police FC hian an khelh hmasak berah Chanmari FC 1-1 in an inhnehtawk pui a, Bethlehem Vengthlang FC erawhin si khat faiin Dinthar FC an hneh thung a.

Bethlehem Vengthlang FC hian point 4 an nei tawh a, Mizoram Police FC erawhin point 2 an nei thung. August ni 5, 2015 (Nilaini) dar 12:30 PM-ah Bethlehem Vengthlang FC hian Chanmari FC an hmachhawn anga, tlai dar 3:00 PM-ah Mizoram Police FC leh Dinthar FC te an inhmachhawn bawk ang.

Inkhel hnuhnung zawkah Dinthar FC leh Chanmari FC te chu 1-1 in an inhnehtawk a, Chanmari FC hian Malsawmfela hmangin first half tawp dawnah goal an khung hmasa. He goal hi hun tawp dawn minute 4 la awmin Lalramliana chuan Dinthar FC tan a rul a, 1-1 in an inhnehtawk ta a ni.

August ni 4, 2015 hian match hnih a awm leh dawn a :

12:30 PM Lungmual FC vs Zo United FC

03:00 PM Aizawl FC vs Chanmari West FC

Copyright © inkhel.com 2024. All rights reserved.