I Day Football (Mipa) BVT FC Final lut chiang

12th August 2015, 12:08AM

Independence Day Celebration Football tournament (mipa) inkhel chu August ni 11, 2015 Thawhlehni khan A.R Lammualah semifinal hmasa zawk khelh a ni a, Bethlehem Vengthlang FC chuan si 6 faia Chanmari West FC hnehin I-Day Football Final an lut ta.

August ni 11, 2015 (Thawhlehni) khan AR Lammualah semi fial match hmasa zawk khelh a ni a, First half-ah goal khat chiah a lut, Bethlehem Vengthlang FC tan Ramfangzaua chuan goal hmahruai tan atanga minute 6 lekah a khung a, Second half-ah tirah a club hlui I-Day atanga hnawtchhuaktu M.S Dawngliana chuan hattrick a siam leh ta pang mai le. Club inthenawm Chanmari FC leh Chanmari West FC te hian Dawngtea hi tun I-Day ah hi chuan an ngam lo rem rem hle mai. Tin, Chhanrinpianga leh K Lalthathanga ten goal khat ve ve an khung leh bawk a, si 6 faiin Bethlehem Vengthlang FC hian hnehna an chang ta a ni.

Semi final hnuhnung zawk hi August ni 12, 2015 (Nilainiah) kheh a ni dawn, Mizoram Police FC leh Aizawl FC an inhmachhawn dawn a, a chak zawk zawk hian final-ah Bethlehem Vengthlang FC an hmachhawn dawn a ni. I-Day Champion team hian Rs 100,000/- an dawng ang a. Pahnihna hian Rs 50,000/- an dawng  ang.

August 11, 2015 Thawhlehni Results:-

02:30PM Bethlehem Vengthlang FC 6-0 Chanmari West FC

Ramfangzaua 6', M.S Dawngliana 48', 59', 71', K Lalthathanga 60', Chhanringpianga 84',

August 12, 2014 Nilaini Fixtures:-

02:30PM Mizoram Police FC vs Aizawl FC

Copyright © inkhel.com 2024. All rights reserved.