August ni 11, 2015 (Thawhlehni) khan I-Day Football Tournament hmeichhe lamin semi final an khel a, vawiin khan match khat awmin FC Bethlehem chuan si thum faiin James & Juda Memorial FC an hneh a, FC Bethlehem chuan final an lut ta a ni.
FC Bethlehem tan Lalsangkimi chuan goal hnih thunin, PC Lalduhthlani chuan goal khat a thun ve bawk. Final kal kawngah hian FC Bethlehem hian team tha deuh deuh an lo hneh tawh a, Lunglei FC si thum faiin an hneh a, chumi zawhah James & Juda Memorial FC an hneh leh a, James & Juda Memorial FC te hian Ramthar FC si ruk faia an hneh avang khan semi final-ah pawh hian chak beiseiawm tak an ni, chutih laiin FC Bethlehem lakah erawh an che thei ta lo a ni.
August ni 12, 2015 Nilaini hian semi final hnuhnung zawk Aizawl FC leh Bethlehem Vengthlang FC ten an khel leh ang a, a chak zawk zawk chuan FC Bethlehem an tum dawn a ni.
I Day Football Hmeichhia inelnaah hian team sawm telin, Champion team hian Rs 20,000/- an dawng ang a, pahnihna in Rs 10,000/- an dawng thung ang a, Best player leh top scorer te hian Rs 3,000/- an dawng ang a, semifinalist te hian Rs 5,000 theuh an dawng bawk dawn a ni.
August 11, 2015 Thawhlehni Results:-
11:30AM FC Bethlehem 3-0 James & Juda Memorial FC
Lalsangkimi 33', 68', PC Lalduhthlani 57',
August 12, 2015 Nilaini Fixtures:-
Aizawl FC vs Bethlehem Vengthlang FC