​HSS Inter School Basketball-ah Oikos an champion

23rd September 2017, 01:09AM

Inter School Basketball tournament, 2017 chu vawiin (Zirtawpni) tlai khan zawhfel a ni ta a, Higher Secondary School-ah Oikos HSS an champion a, final-ah 71-63 in Providence HSS an hneh.

High School inelna final-ah St. Pauls chuan 65-50 in Home Mission an hneh a, Middle School category-ah CSDC leh Holy Heart-ten final khelin 39-38 in CSDC an champion. Girls Open final-ah Govt. Mizo HSS chuan 28-20 a St. Pauls hnehin an champion ve bawk.

Hawla Indoor Stadium, Republic Vengthlang-a School inelna Basketball tournament boruak a sang hle a, a bikin inkhel hmuhnawm bera ngaih Higher Secondary School final a hmuhnawm zual.

Bul tan tha zawk chu Providence School an ni a, quarter hmasa berah 17-8 in hma an hruai hman a, 2nd quarter-ah point 13 ve ve thun belhin half time-a an dinhmun chu Oikos 21- 30 Providence a ni. 3rd quarter-ah Oikos school naupangte game a mar tha hle mai a, point 19 thawkchhuakin Providence lamin point 14 an thun ve thung a, an inhnaih ta thuak mai. Quarter hnuhnung berah ropui takin Providence School naupangte an comeback a, point 34 zet thunin 3rd quarter thlenga hmahruaitu Providence an pawtthla a, hnehna an chang chiang zui hle a ni.

Copyright © inkhel.com 2024. All rights reserved.