Mizoram Super League (MSL) Season 2 chu Hawla Indoor Stadium Republic Vengthlangah march 11, Zirtawp khan khelh chhunzawm leh a ni a, Inkhel vawi hnih awmin, Mission Veng Vikings leh Zarkawt Serpents te chuan an khingpui ve ve hnehin Semifinal khel turin, kawng a la awm.
MSL season 2-ah Khatla TBL hian vawi hnih khel tawhin, Chaltlang Ryders leh Zarkawt Serpents an hneh a. Mission Veng Vikings hian vawi thum khel tawhin, Zarkawt Serpents leh Chaltlang Ryders an hneh hnuah an match hnuhnung berah Tuikual South an hneh lo thung.
Inkhel hmasa zawk hi tlai dar 4:00 PM-ah tan a ni a, Mission Veng Vikings chuan 86-71 in Khatla TBL an hneh. Inkhelh tan phat atangin, point Forward Moses-a, Lalruatkima leh Lalrempuia an thawh hlawk hle a, first quarter-ah Vingkings hian 14-13 in hma an hruai nghal. Second quarter-ah TBL tan Point forward David-a'n point 10 zet score mahse, Vikings forward Lalrina Renthlei leh Dishant V. Shah an dang zo lo. quarter hnih na a zawh meuh chuan Vikings hian 41-36 in hma an hruai chhunzawm ta a ni. Forward Lalrina Renthlei hian inkhel bul tan lo mahse a rawn luh a tangin, Vikings game a danglam phat hle, Lalrina Renthlei hian a pumpuiah point 22 zet score in, 3 points vawi 2 leh Rebound vawi 5 lai a nei.
State pawn player an lak Dishant V. Shah hi a thawh hlawk hle a, an chakna hnar pa khat a ni. A pum puiah Dishant V. Shah hian point 20 zet hlawh chhuakin, point Forward Moses-a leh K Lalrinchhana te hian 3 points vawi khat ve ve an nei bawk. Vikings hian chak an phu a, inkhel bul atangin atawp thleng an figh tluan parh chak phu zawk an chak a ni. Mission Veng Vikings hian khelh khat hmabak an la nei a, Semifinal khel turin, chak anla ma mawh. TBL tan point forward Eddie-a, Rinpuia, David-a, Jacob-a leh Point guard Dinsanga, Vanlalmuana te thawh hlawk viau thin mahse, beisei an pha lo, semifinal khel turin vawi hnih khelh hmabak an neihah chak ngei ngei a ngai tawh ang.
Inkhel hnuhnung zawk hi zan dar 8:00 PM-ah tan a ni a, Hneh loh la nei lo Tuikual South chuan Zarkawt Serpent an hneh lo. Tuikual South hian tun season-ah dinhmun tha ber hauhin, Semifinal an lut chiang tawh a, an in thlah dah deuh in a lang.
Zarkawt Serpents hian coach thar Arvinder Singh Bawa hnuaiah vawi thum khel tawhin, vawi khat an chak tawh a, Semifinal lut turin chak an mamawh tih hria in, inkhel tan phat atangin, an thawk rim ngal hle. chungnung zawkah tang nghalin, point guard Lalsangkima leh forward Robert-a an che tha hle, first quarter a zawh meuh chuan 27-10 in hma an hruai. Second quarter-ah Serpents tan Lalsangkima langsarin, 3 points vawi hnih lai a rawn nei, an game a fuh bakah an thawh hona a tha hle bawk. Tuikual South tan point guard Lalmuanpuia Zote rawn che tha viau mahse, awm zia a nei lo, quarter hnihna azawh leh meuh chuan Serpents hian 40-20 zetin, hma an hruai.
Third quarter-ah Tuikual South rawn che tha viua mahse, inkhel bul an tan thar loh an tuar a, point guard Lalmuanpuia Zote hian point 6 score mahse, Lalrohlua a tangkai tawk loh bakah, forward Vanchuangpuia leh F Zodinthara ten an tangkai tawk lo bawk. Forth quarter-ah Serpent tan point guard Lalramropuia leh forward Hmingthanmawi chuan 3 point vawi khat ve ve neiin, Sahil Sharma chuan 7 point lai score bawkin, chak phu zawk Serpents chuan 66-59 in hnehna an chang ta a ni.
A pum pui thlirin, Zarkawt Serpents hi an thawh hona athat bakah defece a tight tha bawk. Zan dang aiin an team work a tha, an tal buai deuh hlek chuan coach in time out call vatin, time out an hmang tha a, an tum a,an fight nasa bawk a, chak an phu a ni.
March 15, Thawhleh Fixtures:-
8:00 PM Khatla TBL vs Zarkawt BCA