Bayern Munich leh Germany midfielder Mario Gotze chu kap/thal hliam vangin kar sawm atanga kawr sawm leh pakhat chhung vel a inkhel thei dawn lo.
Kum 23 mi Gotze hi Ningani zana Republic of Ireland nen EURO 2016 qualifying round an khelhnaah a in hliam a, a chawlh hun chhung tur hi Bayern Munich chuan an puang.
Kum 2014 World Cup-a Germany champion-na goal khungtu hian tun Pathiannia Georgia an hmachhawn tur bakah Champions League-a Arsenal vawihnih an hmachhawn tur leh Bundesliga game thenkhat a khel thei dawn lo a ni.
Bayern Munich hian thlasik chawlh an neih hmaa an game hnuhnung ber tur chu December 19-ah an khel dawn a, Hannover an hmachhawn ang.
Thlasik chawlh an hman hma hian kar sawm chauh a awm tawh a, Gotze hi kumin chhung chuan khelmualah kan hmu thei tawh hmel lo.
Bundesliga-a champion lai Bayern Munich hian thlasik chawlh hnua an game hmasa ber chu nakum January 23-ah an khel dawn a, Hamburg an tum ang.