Harsatna tawk lo Chanmarians-in final an lut

16th December 2017, 12:12AM

Suaka Memorial Cricket Ground, Sihhmui-a Mahuma Memorial Cricket Toutnament khelh mekah Chanmarians chuan Ramhlun Venglai hnehin final an lut.

Semi-final hmasa zawkah Chanmarians leh Ramhlun Venglai an inkhel a, toss-a vannei zawk Chanmarians lamin a vuak lam an thiam avangin vuak hmaska an thlang.

League match angin opener-te'n beisei phalo mahse batting line up nei thui Chanmarians-in an zia an rawn chhuah a, Zothana (38) leh Pritam (53) an che tha hle a, over 39-ah Chanmarians hian Run 189 siamin an all out.

RVL bowler zingah Ruatdika, Buanga leh Dinpuia-te'n wicket hnih theuh an la a ni.

League Match hnuhnung berah Ramhlun Venglai lamin Run 10 chiahin Chanmarians lakah an Target an umphak loh avangin beisei an neisang hle a, amaherawhchu Dinpuia ball khat chuah a hmachawn hman tih in Zuala a run out nghal.

Senior batsmen Chhuanliana (32) leh Robert (38) rawn ding tha viau mahse an out hnuah naupang rual Ramhlun Venglai lamin Mizorama Team tha berte zinga a mi Chanmarians lakah an ngho ala no deuh ani tih hriat theih turin an out ta phuk phuk.

RVL hian an chhulchhuak ngei Muanzuala an ngam lo va, over 30.1 a zawh meuh chuan Run 110 chiah tlin in an out vek.

Muanzuala hian over 7.1 vawmin Run 22 ape a wicket nga ala in Chanmarians hi Run 79-a chakin final an lut ta a ni.

MATCH SUMMARY

Toss: Chanmarians elected to Bat

Chanmarians: 189/10 (39)

Ramhlun Venglai: 110/10 (30.1)

Chanmarians Won by 79 Runs

M.O.M: Lalmuanzuala

SEMI-FINAL 2 (16.12.2017)

Chhinga Veng CC vs Kulikawn CC

Copyright © inkhel.com 2024. All rights reserved.