​Hamilton a tlanchak ber

28th February 2017, 08:02PM

Formula 1 season thar inphuahchahna atan F1 team-te chuan Circuit de Catalunya-ah an car tharte enchhina hun an hmang a, a pumpuiah Mercedes driver Lewis Hamilton chu tlanchak ber a ni.

Mercedes driver-te'n lap 152 zet a tlan a, season thar atana inphuahchahna țha tak a ni. Hamilton hnungah hian Ferrai driver Sebastian Vettel a awm a, Hamilton aiin second 0.113 chiahin a tlan muang zawk. Mercedes driver thar Valterri Bottas chu tlan țha ber parukna a ni a, World champion nilai Nico Roseberg thlaktu a nih angin a chungah phurrit a nasa bik kan ti thei ang.

World champion thehchhuak thei tur team zinga ngaih Red Bull leh McLaren-te'n enchhina hun an chhawr țangkai tawk lo a, McLaren driver Alonso hi lap khat a tlan tling awrh tihin a car khawl chian loh avangin a tlan chhunzawm thei lo a, a car engine thlak niin chawhnu lamah a tlan leh thei chauh a ni.

Reb Bull driver Daniel Ricciardo a che țha bik lo a, lap 49 bak a tlan thei lo. F1 team te'n car design thar leh engine thar an hmang deuh vek dawn a, an car hriatchian nan leh a design dik tawk lo siamțhat nan hun an nei tam lo. F1 season thar hi March 26 hian Australia-ah tlan țan a ni ang.

Barcelona pre-season test: Ni khatna results:

1 Lewis Hamilton (GB) Mercedes 1:21.765 *

2 Sebastian Vettel (Ger) Ferrari 1:21.878

3 Felipe Massa (Brz) Williams 1:22.076 *

4 Kevin Magnussen (Den) Haas 1:22.894 *

5 Daniel Ricciardo (Aus) Red Bull 1:22.926 *

6 Valtteri Bottas (Fin) Mercedes 1:23.169 *

7 Sergio Perez (Mex) Force India 1:23.709 *

8 Carlos Sainz (Spa) Toro Rosso 1:24.494

9 Nico Hulkenberg (Ger) Renault 1:24.784

10 Fernando Alonso (Spa) McLaren 1:24.852 *

11 Marcus Ericsson (Swe) Sauber 1:26.841

*Soft tyre hmang

Copyright © inkhel.com 2024. All rights reserved.