Haier ADFA 1st Division League Round 1 zawh fel a ni

06th October 2015, 11:10PM

Haier Aizawl District Football Association 1st Division League Round 1 chu October 6, 2015 (Thawhlehni) khan a ni hnihna khelh a ni a. Inkhel vawi hnih awmin, Chawnpui FC leh Electric Veng FC te chuan an khingpui ve ve an hneh.

Inkhel hmasa zawkah Chawpui FC chuan sithum faiin FC Kulikawn an hneh a. Point 3 an hlawh chhuak ta a ni. Goal lut te hi second half-a lut vek a ni a, second half tan atang minute 8-ah Chawnpui FC tan David Laltlansanga chuan goal hma hruai a khung hnuah Chawnpui FC an phur sawt, minute 70-ah Lalbiaknia'n goal hnih na a thun chhunzawm leh a, hun tawp dawn minute 1 pawh awm tawh loah R Lalnuntluanga chuan goal thum na a thun leh hnuin hun atawp zui nghal.

FC Kulikawn hian  clear chance an neih theih loh bakah an fithness-a tha tawk lo tih a hriat theih October 19, 2015 (Thawhtanni) dar 12-ah Electric Veng FC nen an in khel leh ang.

FC Kulikawn 0-3 Chawnpui FC

(David Laltlansanga 53', Lalbiaknia 70', R Lalnuntluanga 90+4',)

Inkhel hnuhnung zawk a hmuh nawm kher mai, Electric Veng FC chuan an khingpui Chhinga Veng FC si khat fai a hneh in, point 3-an hlawh chhuak ve bawk.

Inkhelh tan atangin inkhel nungtak kan hmu, Chhinga Veng FC hian nawr zawk mahse goal thunna remchang an nei bik lo, Electric Veng FC pawn clear chance an nei thei bik lo,  goal lut lo in chawlh lawk an hmang tawh dawn emaw tih hnu hun tawp nan minute 1 pawh awm tawh loah Electric Veng FC tan Lalzarmawia chuan goal athun hlauh,  first half atawp zui nghal.

Second half-ah chhinga Veng in siam tha in,  an siphur rulh ngei tumin, na takin nawr mahse attacking third-ah an talbuai leh tlat thin, goal thunna hun tha takah pawh goal an thun thei tlat lo an vanduai ni a ni awm e.

Electric Veng FC pawn goal thun belh tum hle mahse an thun mai thei toh bik lo, Lalruatkima chu hnawh chhuah a ni, chu tah goal kepper Lianmawia  in hliam avangin, V Lalkhawngaiha second kepper chuan a thlak, si khat in hma hruai mahse chak lo zawk a ni thei.

Chhing Veng FC hian counter attack in nawr viau mahse an van duaina a kal tluang,  an siphur pawh an rul thei bik lo, hun tawp dawnah C Lalbiaksanga hnawh chhuah a ni zui,  an siphur an rul thei ta lo a ni.

Electric Veng FC 1-0 Chhinga Veng FC

(Lalzarmawia 45')

October 7, 2015 (Nilaini) Fixtures

12:00 PM FC Aizawl FC Academy vs Chaltlang FC

02:00 PM Ramhlun North FC vs Upper Republic FC

Copyright © inkhel.com 2024. All rights reserved.