2017 FIFA Under-17 World Cup khelhna tur stadium zing ami Guwahati-a Indira Gandhi Athletic Stadium chu FIFA aiawh leh Local Organising Committee (LOC)-in an endik a, stadium chungchangah an lungawi.

Endiktute hian Kochi leh Mumbai lam pawh an endik tawh a, Kochi-ah hian an beisei angin hmasawnna an hmu lo va Mumbai-ah erawh an lungawi thung.

FIFA palai zinga thuneitu ber Jaime Yarza chuan Guwahati stadium-a hmasawnna awmin a tih lawm thu leh mipuite'n an thlawp that vangin an lungawi tih a sawi a, hmasawnna an hmu thei hian a ti hlim tih a sawi bawk.

FIFA U-17 World Cup tournament director Javier Ceppi pawhin stadium hmasawn theihna tura Assam sawrkar inpekna a fak a, Assam CM Sarbananda Sonowal-a'n Guwahati khawpui hi India infiamna inpui ni tura a duan meknaah pawh Under-17 World Cup hian a pui dawn tih a sawi ve bawk.

U-17 World Cup vawi 17-na ni tur hi India-in a thleng dawn a, October ni 6 leh ni 18 inkar hian khawpui hrang hrang paruka khelmual parukah khelh a ni dawn a ni.