​Griezmann-a hma hun a chiang ta?

27th May 2017, 06:05PM

French foward Griezmann chu Manchester United nen mimal thilah an inrem tawh niin report thenkhat chuan a tarlang. Griezmann hi Old Trafford-ah a lut dawn chiang nia sawi a nih mek laiin amah ngei a rawn tawng chhuak a.

"Heng thu lengvak mai mai hi a tak a ni love. Atletico Madrid mi leh sa ka ni a, ka chhuak dawn a nih chuan ka advisor nen kan la sawi ho chauh ang chu," tiin Griezmann chuan twitter-ah a tarlang a ni.

January transfer window inhawn lai atang tawh khan United chuan Griezmann hi an rim tawh niin English media te chuan an tarlang. Europa League-a an champion hnuah United chuan champions league an khel thei dawn ta, Europe-a inelna sang bera an tel dawn tak avang hian Griezmann leh United chu sawi zawm a ni leh zual a. Hetih lai hian Griezmann chuan tuna a dinhmun chiang takin a sawi chhuak ta a ni.

Tun season liamta chhung khan Griezmann hian Atletico Madrid tan game 53 khelin goal 26 a khung a, Atletico-ah hian buyout clause 100 million euros (£86.7million) lai contract a nei, eng ang pawhin to mahse striker tha mamawh United chuan tun nipui bazar chhung ngei hian lak an tum dawn niin Mirror chuan a tarlang nghe nghe.

Manchester United player of the season Herrera chuan, "Griezmann hi player thiam danglam bik a ni. Khawi club pawhin an hnena khel atan an duh ang. Hetih lai hian tun dinhmunah Atletico Madrid player a ni a, chu erawh ka zah sak em em.

"A hma pawhin ka lo sawi tawh thin. Cristiano Ronaldo leh Lionel Messi te ang bawka player ropui danglam bik ni thei tura ka beisei a ni," tiin Griezmann a fak a ni.

Copyright © inkhel.com 2024. All rights reserved.