Gorkha CC an hmuhnawm chhunzawm zel

24th November 2017, 11:11PM

Mahuma Memorial Cricket Tournament round thumna inkhelh hnuhnung berah Gorkha CC chuan Run 33-in Zemabawk Pitchers CC an hneh.

Toss-a vannei zawk Zemabawk Pitchers lamin vawm hmasak an thlang a, an opener Sagar chu run siam lovin a out nghal.

Zemabawk lam an che țha chho țan dawna a lan hnuah Vishnu Bhandari rawn che in dawhthei takin Run 31 a vawchhuak a, wicket an la ngah avangin a tawp lama lut tan pressure awm lovin an vuak theih phah.

Sameer (40) leh Rajesh (25)-te'n a tawp an rawn khar țhat avangin Gorkha hian Over 40-ah Wicket 8 hlohin Run 172 lai an tlin thei. Zemabawk Pitchers bowler zingah Jehova a che țha a, over 8 vawmin Run 29 a pe a wicket hnih ala a ni.

Zemabawk Pitchers hi an game hmasa lama an la tlawm vek avangin an țang hle a bul pawh an țan țha hle a, an opener Jehova (33) leh Emmanuel (24)-te'n an vuak țhat avangin beisei an nei sang hle.

Pitchers batting line-up a collapse ta a, Zarkawt Lords an hmachhawn țuma Run 65 lai vawchhuaktu Zomuansanga'n a theihtawp chhuahin Run 42 rawn thlawh chhuak bawk mahse dinpui tur a nei ta lova Zemabawk Pitchers hian over 33.2 ah Run 139 siamin an duhtawk a tul ta a, an target hi Run 33-in an pha ta lo.

Gorkha tan Vishnu Bhandari bawk rawn țangkai chhunzawmin over 8 a vawmah Run 30 pein wicket thum a la a ni.

Round 4 (25.11.2017)

Zarkawt Lords vs Ramhlun Venglai CC

Copyright © inkhel.com 2024. All rights reserved.