GIG Motors Pro Volleyball League: Hunthar in 3rd MAP an hneh

04th June 2017, 10:06PM

GIG Motors Pro Volleyball League chu June ni 3, Inrinni zan khan  R Dengthuama Indoor Stadium, Mualpuiah khelh chhunzawm a ni a, Hunthar chuan  3-2 in  3rd MAP an hneh.  LG D3  Player of the Night-ah Hunthar player Sarang chu thlan a ni a,  trophy-a dawng a ni, June ni 7, Nilaini zanah khelh chhunzawm leh a ni ang.

Hunthar Veng (3-2)3rd MAP, ITI Mualpui 

(25-17, 25-21, 21-25, 27-29, 15-13)

Hunthar Veng hian Set hmasa pahnih an lak zawn hnuah che sual teuh hle mahse, hnehna an chang ta zawk a ni. Hunthar in set hnihna thlengin inkhel an thunun a, Police team an beidawng lo. Coach Zoramenga'n an khelh dan siam remin theihtawpin an nawr let a, inkhel boruak an siam danglam thung. MAP-in set thumna an la thung a,  phurna leh inrintawkna nasa zawk nen an khel zui leh Set li naah  Hunthar in 24-21 in hmahruai tawh mah se MAP chuan an lehthal thung.  

A chak tur tihfelna hnuhnung ber set nga naah Hunthar anin siam rem thei hram a, MAP lamin an rawn umpha hman bawk. 13-13 a nih hnuah Hunthar chuan point hnih hmu zawnin an chak ta a ni.

Hunthar hian league round vawi thum khelh tawhin point li an hmu a, team panga inel zingah pahnihnaah an awm. A hmain 3-2 thovin TNT an hneh tawh bawk.  Vawi hnih an chak tawhah point thum hmu zo lo ve vein point hnih zel an hlawh chhuak thung. Hunthar tan Sarang  chuan hma a sawn a, chiang taka a vuak tlak thin bakah a zuang taimain net bulah lehlam hlap a dang tam hle bawk. Sarang hian Police lakah point 27 hmuin vawi sarih a tisual thung.

Chhinga Veng leh TNT an khelh tuma che tha tak Santosh Kodakkal chu a tlahniam ve thung a, point 33 hmu mahse,  tihsual a ngah a, point 22-a hloh. Hunthar tan hian Lalbiakmuana'n point 14 hlawh chhuakin Lalrinhlua'n point 8-a hlawh chhuak ve bawk.

Mizo hlanga khel MAP-in chak tumin theihtawp an chhuah a, set thumna atangin awmze nei takin an khel a, team tha an nih lantir mahse, bul an tan that loh an tuar thung. Joel Zodinsanga'n point 15 hlawh chhuakin Police team tana point thawk chhuak tam ber a ni. Captain Lalduhsanga'n point 14 hlawh chhuakin Lalruatfela Sailo chuan point 12 a hlawh chhuak ve bawk. Vawi thum an khelh tawhah MAP-in chak an nei lo. TNT leh Hunthar lakah set hnih ve ve an lak avangin point khat ve ve an hmu a, point hnih kawl mekin a mawng phahah an la awm a ni.

Pic: Johny Ngurthansanga

June 7, Nilaini  Fixtures:

08:00 PM Hunthar vs Ramhlun Sporting Club 

Junni 9, Zirtawp Fixtures:

08:00 PM 3rd MAP leh RSC an inhmachhawn ve leh ang.

(adsbygoogle = window.adsbygoogle || []).push({});

Copyright © inkhel.com 2024. All rights reserved.