​Germany-a Football zir tur thlahna hun hman a ni

12th January 2017, 11:01PM

Mizoram Football Association (MFA) chuan U Dream leh Tata Trust tirha Germany-a football kum li chhung awm tur Mizo rawlthar 17 leh coach pakhat thlahna hun chu January ni 12, Ningani chawhma dar 11:00 AM khan I&PR Auditorium-ah hman a ni a, Mizo naupang 17 leh coach pakhat te hian state dang naupang 18 nen tunkar tawp January ni 16, 2017 khian Germany an pan dawn a, Germany a Indian naupang 30 vel awmsa an zu fin dawn a ni.

Inkhawm kaihruaitu Pu Lalnghinglova Hmar, MFA Honorary Secretary chuan U Dream, Tata Trust leh MFA te thawhhona avanga naupang 17 laiin Germany a football leh lehkha an zir dan tur report a pe a. A hlawhtlinna tura kawng thui zia te, an kal mai dawn emaw tih tawh hnua U Dream in Tata Trust an thawhpui zui leh tak dan te, an Visa chungchanga harsatna eng eng emaw lo awm leh dante sawiin, engkim peihfel a nih tawh dan a report bawk.

Home Minister Pu R Lalzirliana, MFA Chief Patron ni bawk chuan a vawikhatnana Mizo naupang Germany a football zira kal tur te chu nakin zela mite chhiar tur lehkhabu ang an nih thu a sawi a. Nun uluk tur leh hlawhtlinna nei ngeia inzir chhuak turin a fuih a. Milar leh hlawhtling an la nih loh thute, zirna in lut thar tur chauh an la ni tih hre reng turin a chah a ni.

MFA Patron Pu Zira chuan hetiang dinhmuna Mizo naupangte an ding thei ta mai chu lawmawm a tihzia sawiin, an tana MFA hruaitute inpekna thukzia chu fak tlak a ni tih a tarlang a. Hlawh nei lo leh hun leh tha tam tak senga midangte rawngbawl hna an thawk thin chu fakawm a tih thu a sawi.

MFA President Pu Lalthanzara pawhin thu sawiin football zir tur naupangte chu theihtawp chhuah a, hlawhtlinna rawn hawn ngei turin a fuih a. Ram changkanga an inzir theihnana MFA-a a thawhpuite beihngawrhna a fak bawk a ni.

Germany-a inzir turte:-

CoachLalchhuanawma (LCh-a)Dinthar Veng, Aizawl

1.Emmanuel Lalchhanchhuaha Pehlawn

2.Lalchhanchhuaha Kawrtethawveng

3.Lalchungnunga Chhangte Zotuitlang, Lunglei

4.Lalhmingmawia Royte Armed Veng South, Aizawl

5.Lalhriatpuia Armed Veng South, Aizawl

6Lalmalsawma ITI, Aizawl

7.Lalmuanzova Khawlhring Durtlang, Aizawl

8.Lalramdinsanga Ralte Serkawn, Lunglei

9.Lalramhmachhuana Kawrtethawveng

10.Lalramzailawma Ramhlun South, Aizawl

11.Lalremliana Kawrtethawveng

12.Larry Lalrinawma Dinthar Veng, Lengpui

13.Moody Lalawmpuia Vaivakawn, Aizawl

14.Moses Lalrinzuala Khatla, Aizawl

15 R. Lalrinpuia College Veng, Kolasib

16.Ramhlunchhunga Electric Veng, Kolasib

17.Vanlalpeka Model Veng, Lengpui

Copyright © inkhel.com 2024. All rights reserved.