April ni 19, 2018 (Ningani) tlai khan Dr Michael Feiner, Consul General, Federal Republic of Germany, Kolkata chuan Lammuala Mizoram Football Association Grassroots centre a tlawh a, naupangte nen hun hlimawm tak an hmang. Dr Michael Feiner hi MFA hotuten an lo tawiawm tha hle bawk.
(adsbygoogle = window.adsbygoogle || []).push({});
Dr Michael chuan naupangten inkhelh an ṭan hmaa thu sawiin, "Germany atanga lo kal ka ni a, Germany leh Mizoram hian kawng tam takah football-ah inzawmna kan nei tawh. Thawhho zel theih ni se a läwmawm dawn a, kei pawhin kan inzawmna hi a chah lohna turin theihtawp ka chhuah ang," a ti.
German Consul General chuan naupangte chu football an khelh piah lamah an zirna ngai pawimawh turin a chah a, football ah an kal a nih chuan hlawhtling tlaka thawkrim turin a fuih.
Mizoram Football Association in naupangte tana football zirna ṭha taka an kalpui thei chu lawmawm a tih thu a sawi a, an hmalam hun atan duhsakna a hlan bawk.
(adsbygoogle = window.adsbygoogle || []).push({});